فطيرة الزعتر مع الأعشاب وجبنة الفيتا

✨ فطيرة الزعتر مع الأعشاب وجبنة الفيتا ✨

1- في صحن صغير عميق نضيف : نص م ك خميره فوريه + م ص سكر + ربع كوب ماء .

2- في وعاء العجن نضيف : 3 أكواب ونص طحين أبيض مع م ص ملح + نص ملعقه كبيره نعناع مجفف + نص ملعقه كبيره ريحان مجفف + 3 ملاعق كبيرة حليب بودره + م ص بيكنج بودر + نص م ص بيكربونات الصوديوم نخلطهم مع بعض ونخليهم على جمب .

3- في العجانه : نضيف ثلاث أرباع كوب حليب سائل دافي + نص كوب زبادي وبعدين نضيف المقادير الجافه ونضيف ملعقتين كبيره زيت زيتون ونضيف الماء الدافي بالتدريج على حسب الطحين .

4- بعد ما نعجن بالعجانه أو باليد وتبدأ تلتم العجينه نضيف خليط الخميره ونعجن مضبوط لين تصير عندنا عجينه طريّه ملمومه على بعض .

5- نخليها تتخمر ساعه وبعدين نفردها و نفرد عليها الزعتر الفلسطيني مخلوط معه زيت الزيتون ونضيف عليه جبنة فيتا وإذا حبيتو تفتتون عليه شوي من جبنة العكاوي وترشون على الوجه أعشاب ايطاليه مع الفلفل الأحمر المطحون ، ونخليها ترتاح شوي قبل الفرن .

6- الفرن يكون مسبق التسخين وندخل الفطيره ما تطول عن 20 دقيقه 😍 .

ويا جعلها هني و عآفيه يا رب 💋