أحدث الوصفاتالساندوتشات والمعجنات

فطاير سبانخ ذهبية ومقرمشة

فطاير سبانخ ذهبية ومقرمشة 👌
للعجين استخدمت عجينة العشر دقايق بس عدلت فيها بعض التفاصيل
‎🍕لمقادير العجين: استخدمت كوب معياري ٢٥٠مل
‎بنذوب معلقتين كبار سكر ومعلقة كبيرة ممسوحة خميرة فورية مع كوب ماء دافئ وكوب حليب دافئ وكوبين طحين (٢٦٠غ)بنحركهم وبنغطيهم عشر دقايق.
‎بعد عشر دقايق بنحط ثلاث اكواب طحين (٣٩٠غ) ونصف كوب زيت زيتون ورشة ملح (استخدمت الصخري لو متوفر) وغطيتها وريحتها ليتضاعف حجمها .

بنقطع العجين لقطع متساوية وبنريحهم لمدة عشر دقايق.

– لحشوة السبانخ:
٨ ضمة سبانخ مغسولات جيدا ومفرومات
بنضيف عليهم معلقة كبيرة ملح وبنتركهم ليبلشوا ينزلو ميتهم بنعصرهم كثير منيح
بضيف السماق ع البصل المفروم ناعم (٢ حبة بصل وسط) وبنفركهم بالايد وبنضيفهم ع السبانخ مع
معلقة وسط سماق
عصير حبة ليمون
معلقتين زيت زيتون
رشة فلفل اسود
ملح حسب الحاجة

بنرتب الفطاير بصينية مدهونة بزيت الزيتون وبندهن الوجه بزيت الزيتون وبندخلهم ع فرن محمى مسبقا حرارة ١٨٠ من تحت وبعدها حمرت الوجه ورجعت دهنتو بزيت الزيتون قبل التحمير وبنستمر بدهن الوجه زيت زيتون لحتى يعطيه لون وقرمشة وبنغطيهم بعد الفرن بفوطة رطبة لنحبس البخار داخل العجين وتضل طرية وع قلبكم بالعافية.

المصدر: @linaarar_kitchen

اترك تعليقاً

زر الذهاب إلى الأعلى