أحدث الوصفاتالساندوتشات والمعجنات

فطاير الفوكاشيا المحشية

فطاير الفوكاشيا المحشية

فطاير الفوكاشيا بحشوة السبانخ والبيتزا وبعجينة قطنية روعة 👌

للعجين استخدمت عجينة العشر دقايق بس عدلت ‎فيها السوائل واستبدلت الزيت النباتي بزيت الزيتون
‎🍕لمقادير العجين: استخدمت كوب معياري ٢٥٠مل

‎بوعاء العجن بنحط معلقتين كبار سكر ومعلقتين كبار ممسوحين خميرة فورية وكوبين طحين وكوب ماء دافي وكوب حليب دافي (الوصفة الاصلية كوبين ماء) بنحركهم وبنغطيهم عشر دقايق.

‎بعد عشر دقايق بنحط ثلاث اكواب طحين (اكثر او اقل حسب حاجة العجين) ونصف كوب زيت زيتون ورشة ملح وغطيتها وريحتها ساعة كاملة بامكانكم تستخدموها مباشرة بس انا ريحتها ساعة كاملة.

بنقطع العجين لقطع متوسطة بتعمل حوالي من ١٥-٢٠ حسب حجم التقطيع بنوخذ كل قطعة وبنفردها وبنحشيها وبنسكرها منيح وبنضغط عليها بعدها ع الوجه بنحط بندورة كرزية وزيتون اسود واستخدمت موزريلا وقشقوان ممكن تكتفوا بالمتوفر وحطيت روز ماري مجفف وبضغط عليهم بايدي ليمسكوا بالعجين.
بدهن العجين بصفار البيض مع الفانيلا والروز ماري المجفف وبدخلهم فرن محمى مسبقا عحرارة ٢٠٠ حتى تستوي تماما بنطلعها وبندهن الوجه زيت زيتون وبنغطيهم بفوطة رطبة.

لحشوة السبانخ : احتجت ثلاث ضمم سبانخ غسلت كثير منيح وفرمتهم وشوحتهم ع الغاز بدون اي اضافات بعدها اضفت عليها بصل اخضر مفروم او بصل عادي وسماق وملح وفلفل اسود وعصير ليمون وزيت زيتون وبنحركهم سوا.

لحشوة البيتزا: استخدمت الفلفل البارد الالوان مفروم ناعم مع زيتون اسود وبصل وبندورة مفرومين وجبنة موزريلا واضفت عليهم الريحان والاوريغانو.
وعقلبكم بالف عافية

المصدر: @linaarar_kitchen

زر الذهاب إلى الأعلى