| فطآير خديدآت طفلة دبدوبة ☺️ |
** مقآدير العجينة :
- كوبين ونص طحين
- نص م ص ملح
- م ص سكر
- م ص خميرة فورية
- كوب وربع حليب دافي
- بياض بيضة
نعجنها مضبوط 10 دقايق بالعجآنة بعدين نخليها ترتاح من ثلث ساعة إلى ساعة على حسب وقتك ،
بعدين نقطعها قطع متسآوية نصفّها بصينية أو نحشيها أي حشوة على حسب الذوق ..
” حشيتها جبن مالح بالأعشاب جاهزه من أسواق الحربي حبيت طعمها مو شرط ترى نفسها 🙊! ”
بعد ما نكورهم ونصفّهم بالصينيه نغطّيهم يرتآحون نص ساعه بعدين نضغط عليهم بأطراف الأصابع ونصب الصوص عليهم ..
عبارة عن : نص كوب زيت عادي هذا اللي حطيته أول ما جربتها معكم لكن جربتها مره ثانيه ربع كوب زيت أفضل وأخف 👌🏻 + 3 م ك زبدة ذايبه أو زيت زيتون + نص كوب زبادي + صفار بيضة + م ك حليب سائل نخلطهم مع بعض لين يتجانسون بعدين نصبّهم على الوجه بالكامل .
بعدين ندخلهم فرن مسبق التسخين على درجة 400 فهرنهايت مشغل من تحت ونخليها لين تستوي تقريباً 20 – 25 دقيقة وبعدين نفتح عليها من فوق تتحمر وأول ماتطلعينها من الفرن خليها تدفى شوي قبل التقديم عشان تتشرب كل السوآئل اللي فيها واستمتعو بالطرآوه 🤤👌🏻
#مخبوزات_عبير_العميرة
