| طريقة فخذ الغنم مع الخضروات |
فخذ غنم أسباني وزنه 1200
أول شيء صلحت فتحات بالفخذ بأماكن متفرقه ودخلت فيها شرائح ثوم طازج وبعدين أجيب
زبدة طريه وأنكّهها بزعتر طازج مع ملح وفلفل أسود وأدهن فيها الفخذ بالكامل بعدين أشوحها
ع النار تاخذ لون محمر من كل الجهات بعدين أضفت
- ورق غار
- شوي فلفل أحمر مطحون حار أو بارد بابريكا
- بصل شرائح
- كرفس
- فلفل حبات كاملة
- اكليل الجبل
- وربع كوب ماء مغلي
وأكتم الصينيه مضبوط بالقصدير ودخلتها الفرن على درجة 400 فهرنهايت بالرف الوسط وخليته
لمدة ساعه بعدين فتحته ..
وأضفت باقي الخضروات :
بطاطس ولوبيا خضراء وجزر وأغطي القصدير وأخليه 45 دقيقة وبعدين أفتح القصدير وأشغل عليه من فوق وتحت لين ياخذ لون جميل 😍✨
ويتقدّم مع رز أبيض أو خبز
وبألف عافيه ♥️
** ملاحظة كل نص ساعه تقريباً آخذ من العصاره اللي نازله من اللحم وأمسح فيها على نفس الفخذ يعطيها لون وطعم 😋👌🏻
