عجينة فطائر طريّه بالبطاطس

أول شيء في صحن عميق أضيف كوب كامل ماء دافي + 3 م ك حليب بودرة + م ك سكر + ملعقتين ونص ص خميرة فوريه نخلطهم مع بعض ونخليهم شوي لين تتفاعل الخميرة ..

بعدين في العجانه : نضيف بيضة وحده + نص اصبع زبدة 50 جرام بحرارة المطبخ نكهتها ببهارات مشكله إضافة البهارات “اختياري” + ربع كوب بطاطس مهروس بعدين نضيف

خليط الحليب والخميره .. وآخر شيء نضيف المقادير الجافّة : 3 أكواب طحين أبيض استخدمت ( فوم ) وينفع أي طحين متعدد الاستعمالات + نص م ص ملح + م ص بيكنج بودر + 2 م ك سكر .. نعجنهم بالعجانة مجرّد يندمجون خلاص نوقف ونغطيها ترتاح ساعة بعدين نشتغل عليها .. بعد ماتخمرت فردتها وقطعتها زي ماشفتو أخذتها من ساكو عجبني القالب يختصر لك التقطيع ويخليها قد بعض 👌🏻 بعد ما شكّلتهم صفّيتهم بصينية و حطيت تحتهم ورق زبدة بعدين دهنتهم بحليب و غطيتهم يتخمرون نص ساعه تقريباً بعدين دهنتهم مره ثانيه ودخلتهم فرن مسبق التسخين على درجة 200 مئوية بالرف الوسط شغلته من تحت فقط بعدين يوم شفتها انتفخت وقربت تستوي شغلت المروحه من فوق وتحت عشان تعطيني اللون الجميل اللي تشوفونه . .
بعد ماطلعتهم من الفرن دهنتهم بزبدة ذايبه مخلوط معها أعشاب ايطالية وفلفل أحمر مجروش 🤤

.| الحشوة هي نفسها الدجاج مع البطاطس
بس أضفت معهم كريمة طبخ |

دجاج صدور مبردة ناخذها ونقطعها ونتبلها على حسب الرغبة وبعدين نشوّحها ع التاوه لين تستوي مع الملح والبهارات اللي تحبونها ..
بعد ما تستوي نقطعها قطع صغيره ونخلط معها :
بطاطس مهروس .. ** طريقتي السهله فيه :
أغززه بالسكين من كل الجوانب وبعدين أدخله المايكرويف من 7-10 دقايق ممكن تزيد أو تنقص على حسب المايكرويف وحجم البطاطس .. إذا صار طري واستوى نشيل القشرة ونبشره بالمبشره على الدجاج ونضيف الأنواع الثلاثه من الأجبان : موزريلا ، قشقوان ، تشيدر ..
ونضيف معهم فلفل حار مجروش + أعشاب مثل :
بقدونس مفروم أو مجفف ، وشوية نعناع أو ريحان مجفف ، كزبرة مجففه ونخلطهم مع بعض .. بعدين حطيت كل المكونات بتاوه عميقه وأضفت عليهم كريمة طبخ لين صارت عندي حشوة متجانسه وكريميه ..

** ملاحظة :: 1- ممكن بدال الماء وحليب البودرة نضيف حليب طازج كامل الدسم أو حليب مبخر .. بوني ، وادي فاطمة .. الخ .
2- البيضة إذا عندك حساسية منها احذفيها عادي .
#مخبوزات_عبير_العميرة