مساكم الله بالخير اخواني المتابعين وعساكم من عواده اليوم طريقة معبوج البيدنجان المشوي والحار بالبهارات والليمون والخل وزيت الزيتون البيدنجان بدون قلي
المكونات
عدد ٦ بيدنجانات مقطعه ارباع
قرون فلفل احمر واخضر مقطع
راس ثوم مقطع
جذر زنجبيل طازج مقطع
ورق الكاري الاخضر
شدتين كزبر اخضر
شدة نعناع
البهارات كركم وكزبر ناعم وفلفل احمر ناعم وملح
السوائل زيت زيتون وخل وعصير الليمون ومهروس التمر الهندي
الطريقة نقطع البيدنجان ونشويه بدل القلي علشان مايشرب دهن
نفرم الخضار مع بعض بالبلندر فرم خشن ونضيف عليهم البهارات والملح ونحمسهم مع الزيت ثم ورق الكاري ثم نضيف عليهم الخل والليمون والتمر الهندي ونحمسهم عدل واخر شي نضيف البيدنجان المشوي ونحمسه معاهم لحد مايربط ويتسبك عدل تقدرون تهرسونه انا ما احبه مهروس ننتضره يبرد ونوزعه بالبرطمانات او الغراش الزجاجيه المعقمه مسبقا ونصب عليه زيت الزيتون للحفظ
ويصبح جاهز للأكل من اول يوم وعلينا وعليكم بالعافيه اذا عجبكم المقطع لاتنسوني بالايكات والكومنتات الجميله 🌹
