النهاردة هنعمل طاسة جبنة افرنجى شوية و هنستخدم معاها مرقة الفراخ الفورية الجديدة من كنور … يلا بينا.
المقادير
- ٥٠ جرام زبدة
- معلقتين دقيق (مش مليانين)
- لتر لبن
- معلقة جبنة كريمى
- ٢٠٠ جرام جبنة شيدر اجمر
- ١٥٠ جرام موتزاريلا
- ملح، فلفل، بابريكا
- عبوة مرقة الدجاج الفورية (كنور)
طريقة التحضير
هنقلب الزبدة مع الدقيق على النار لحد ما يدوبوا بعد كدة هنحط اللبن و نقلب لحد ما هيتقل بس هيبقى لسه خفيف، بعد كدة هنضيف الجبنة الكريمى و نقلب، بعد كدة الشيدر شوية شوية و نقلب و اخر حاجة الموتزاريلا.
اول ما تمسك نحط عليها اى اضافات من فوق انا حطيت ستريبس و بسطرمة و هاليبينو.
عملت معاها شوية عيش مدهون بالزبدة و الثوم و محطوط فى الفرن علشان اغمس بيه و كان عالمى.
وصفة خطيرة جربوها بقى و قولوا لنا رأيكم 😍😍
