صينية كرات البطاطس والدجاج
كنت ابيعها وكانت من الاكثر طلبا
نسلق بطاطس ونهرسه مع زبدة وشوي كريمة وموزاريلا وملح وفلفل اسود وبابريكا ونعمله كرات ونصفه في صينية
– خلطة الدجاج:
في المقلاة نشوح الدجاج مقطع شرايح لين يتشوح اضيف له ربع مكعب مرق الدجاج ورشة ملح وفلفل اسود وبهار الدجاج وبابريكا وثوم بودرة ( شي بسبط) خليه يتشوح وياخذ لون وماينشف
شيليه على جنب
في نفس المقلاة
نشوح شرايح.بصل وثوم ثم اضيف المشروم وفلفل ملون احمر واخضر واصفر واخليه يطبخ شوي ثم الذرة
واضيف مكعب مرق الدجاج وم ص فلفل اسود وبابريكا وثوم بودرة وبهار الدجاج واقلب
اضيف الدجاج وخلطة الكريمة
كوب ونص كريمة طبخ مع علبة قشطة وملعقتين جبن كاس وفلفل اسود واوريغانو
اصبه عليه واخليه يتسبك ومايطول
احطه على كرات البطاطس تبونها تحت فوق كيفكم
ازيد كريمة لو ناشف ثم ارش الموزاريلا ورشة بابريكا واوريغانو وندخله الفرن
