صينية دجاج بالفرن بالخلطه الهنديه👌
.
المقادير:
٤ صدور دجاج تقطع مكعبات
٢ فلفل بارد مكعبات
٢ بطاط مكعبات
زهره ( قرنبيط)
.
الصلصه:
١ بصل مفروم+ثوم وزنجبيل +١ كريمة خفق+ملعقتين معجون طماط+١ طماط مفروم+ملعقه طعام كبيره معجون غرام مسالا او البرياني ماركة mf .. ( اختياري).البهارات( ملح وفلفل اسود-كمون-كاري-كزبره-لومي-كركم)+٢ كرب ماء حار
.
الطريقه:
نضع جميع الخضروات والدجاج في طبق بايركس
.
نحمس البصل والثوم والزنجبيل وانضيف عليهم الطماط ومعجون الطماط والبهارات ونخلطهم مع بعض..اخر شي انضيف معجون غرام مسالا مع الكريمة و الماء ونخلطهم مع بعض
.
انضيف هالخلطه على الدجاج والخضار وعالفرن ساعه تقريبا
.
طريقة الرز بالخضار🍚:
٢ كوب رز مغسول ومنقوع ساعه عالاقل +ملعقه طعام خل تضاف للماء
.
بقدر نحمس ١ بصل صغير مفروم بزبده و زيت وانضيف عليه كوب خضار مثلجه مع ملعقه وسط كل من ( كركم-قرفه-هيل) وانضيف الرز عليه ونحمسه معاهم .
تالي انضيف الماء الحار والملح ..الماء نخليه فوق العيش بسانتين على حراره متوسطه ..لما ينشف الماء نقصر على النار وانخليه يكمل استوا على نار هاديه .
#وصفات_نور
.
