النهاردة هنعمل صوابع حازم، على طول كدة 😂😂 يعنى هى شبه زنود الست شوية بس انا اعتمدتها صوابع حازم خلاص، من أسهل و أحلى الحلويات اللى هتاكلوها، رهيبة، يلا بينا
المقادير
- كوبايتين لبن
- نص كوباية نشا
- باكو ڤانيليا
- معلقة كبيرة سكر
طريقة التحضير
هنجيب نص كوباية من كوبايتين اللبن و ندوب فيها نص كوباية نشا على جنب و على النار هنحط الكوباية و نص و نحط عليهم نص النشا اللى دايب فى نص اللبن و نحط الڤانيليا و السكر و نقلب لحد ما قوامه يتقب معانا.
بعد ما بردت المهلبية دخلناها التلاجة ساعة علشان تمسك خالص.
نجيب بقى عجينة السبرينج رولز و نحطها و نحط جواها المهلبية ممكن كمان نحط زبيب و جوزهند حسب الرغبة.
نبدأ بقى نلف السبرينح رولز و نقفل الأطراف بمياه و دقيق و نبدأ نقليهم بقى 😍
بعد ما نقليهم بنديهم شربات او سكر بودرة حسب الرغبة و مممن رشة مكسرات لو متوفر.
فى النهاية هتاكلوا احلى صوابع حازم، جربوها، سهلة و سريعة و طعمها تحفة 😍😍
