صالونة الدجاج
من الوصفات التقليدية الهندية
واصبحت جزء من مطبخنا الخليجي
ومحببه كثير
السر فيها كمية الزيت ، صالونه بزيت شوي ما راح تاخذ النكهه المطلوبه
يعني شوف لك يوم مفتوح وسويها
وخل الدايت يوم ثاني ،
وتقدر تسويها بزيت خفيف بس الطعم حيحتلف وراح تبقى لذيذه
حياكم بحسابي للمزيد من وصفاتي
المقادير
- لكل كيلو دجاج
- البهارات بودر
- م ص ل ( كركم ، فلفل كشميري ، غرام مسلا ، بهار كاري )
- م ك ملح
- ٢ كبيره طماطم معصوره
- م ك معجون طماطم
- بصلة كبيره مكعبات
- م ص ثوم مهروس
- م ص زنجبيل مهروس
- عرقين فلفل حار
- ٢ بطاطس انصاف
- اوراق كاري
- اوراق كزبره
- بهار صحيح
- ورق غار وهيل وفلفل اسود
- كوبين ماء ( نص كوب زيت خفيف )
طريقة التحضير
النار متوسطه نحمي الزيت بالقدر
نحمس البصل لين يذبل
نحط الفلفل
نحمسهم مع البهار الصحيح
والزنجبيل والثوم
و البهار البودر والملح
بعدها نضيف الدجاج ونحمس
نضيف الطماطم والبصل ونقبله
ونتركه ٥ دقايق يتسبك
نضيف الماء ونخليه ٣٥ دقيقه
ناز هاديه مغطين القدر
بالاخير نحط ورق كزبره وعوافي
مع الخبز او الرز
ملاحظه :
انا مستخدم قدر ضغط ووقت الطبخ فيه ١٥ دقيقه بدل ٣٥ دقيق
تنبيه : تحتاجي تاكل معاها زبادي
