شيش برك❤️
هالاكله لها كذااا طريقه ..انا اخترت هالطريقه اسهل و اشوف انها حلووه ولذيذه👌
.
مقادير العجينه:
كوب ونص طحين
٣/٤ كوب ماي
ملعقه وسط ملح
نخلطهم مع بعض و نتركها على ما انسوي الحشوه
.
الحشوة:
نص كيلو لحم مفروم
١ بصل مفروم
ثوم مهروس
كزبره فرش ( اختياري)
ملح وفلفل اسود و ملعقه صغيره كمون و قرفه
صنوبر+ملعقه طعام دبس الرمان
.
نحمس اللحم لما يتغير لونه نضيف عليه البصل والثوم ونحمسهم مع بعض تالي انضيف الكزبره والبهارات والصنوبر المحمص او المقلي
.
مقادير اللبن:
٤ لبن اب ( او شتوره ..يفضل يكون اللبن حامض احلا👌)
٢زبادي
ملعقه وسط شوربة خضار او مكعب مرقه خضار
ملعقتين طعام نشا
.
الطريقه:
نفرد العجينه وتقطع داوئر صغيره وانضيف الحشوة بالنص و نسكرها نخليها شكل نص دائره وبعدين نطبق الاطراف مع بعض
.
الحين ممكن الشيش برك اتحطون بالفرن يتحمر او ممكن تسلقونه وفي البعض يقلونه
انا دخلته الفرن تحمر شوي .تقريبا ١٠ دقايق
تالي نسوي اللبن نخلط كل المقادير على النار لما يثقل نضيف عليه الشيش برك وانخليه يكمل استوا باللبن
.
تالي نحمس فصين ثوم بشوية زيت زيتون وانضيف عليهم كزبره فرش وتالي انضيفهم فوق اللبن👌😍 لذاااذه
.
#وصفات_نور
.
