شوربة بيضه و حمرا بطريقتنا
المقادير
- ١ كوب ماش ابيض
- ١ كوب ماش اصفر
- ١ كوب عدس برتقالي
- ١ كيلو لحم
- بصلتين كبار
- طماط ٥ حبات
- ثوم زنجبيل ٣ م ص
- ملح ١ م ك
- بهارات صحيحه ( قرفه قرنفل فلفل اسود هيل اسمر و نجمه يانسون و كمون ١ م ك من كل واحد )
- اوراق الغار ٣
- خولجان ٢
- لومي ٢
- كركم ١ م ص
- جزر حبه او اي خضره انتم تحبوها
- كريمة الطبخ ربع كوب
- زيت قليل للطبخ
- ماي ٣ لتر تقريبا للسلق .
طريقة التحضير
🥣نبدا من البيضه:
في قدر ضغط نصب ماي و عليها نضيف عدس بكل الانواع مع اللحم و بهارات الصحيحه و كركم و ملح . و نغطي عليه ٢٠ د ( على حسب قدركم ) لين يستوي اللحم ( هنا شوربه بيضه جاهزه و تقدرو تضيفون عليها كريمة طبخ عشان قوامها يكون كريمي )
🥣الحمرا :
على نفس الشوربه السابقه ( البيضه بنكمل ) في قدر نصب زيت خفيف عليه نضيف بصل ثوم زنجبيل جزر طماط و نقلب لين يذبل البصل و الطماط ثم نضربهم ب خلاط و نردهم الى الشوربه البيضه نخليه يغلي ٥ الى ٨ دقايق و اخر شي نضيف كريمة الطبخ شوي ( اختياري ) نتركها تغلي دقيقه بالف عافيه
