سينامون رول

| سينامون رول عجينه طريّه قطنه 💋 |
أول شيء في صحن عميق أضيف كوب كامل حليب مبخّر بوني دافي أو أي نوع حليب + م ك سكر + م ك خميرة فوريه نخلطهم مع بعض ونخليهم شوي لين تتفاعل الخميرة ، بعدين في العجانه : نضيف بيضة وحده + م ص فانيلا سائلة + اصبع زبدة 100 جرام + 3 م ك سكر .. بعدين نضيف خليط الحليب والخميره ..

وآخر شيء نضيف المقادير الجافّة : 3 أكواب وثلث طحين أبيض استخدمت ( فوم ) وينفع أي طحين متعدد الاستعمالات + نص م ص ملح + م ص بيكنج بودر + ( ظرف كريم كرامل أو ظرف دريم ويب أو بدونهم مو مشكله 👌🏻) .

نعجنهم بالعجانة مجرّد يندمجون خلاص نوقف ونغطيها ترتاح ساعة بعدين نشتغل عليها .. .
فردتها وحشيتها خليط القرفة : كوبين سكر بني مع اصبع زبدة طريه و 6 م ك قرفه مطحونه دخلتهم المايكرويف 10 ثواني وخلطتهم مع بعض وبعدين فردتهم على العجينه وكملت اللف والتقطيع بعدين صفيتهم بالصينيه وغطيتهم يتخمرون نص إلى 45 دقيقة بعدين دهنتهم بحليب ودخلتهم فرن مسبق التسخين وشغلت المروحه من فوق وتحت مع بعض درجة الحرارة 180 وأول ماطلعتها من الفرن صبّيت عليها حليب مكثّف محلّى كنت مسخّنته بقدر صغير وخالطه معه شوي قرفه وكاراميل وبعد الصوص نرش جوز بيكان مجروش ع الوجه بالكامل . .

وآخرشيء الكآراميل واستمتعو باللذاذه والطرآوه🤤
#سينامون_رول_عبير_العميره
#مخبوزات_عبير_العميرة