النهاردة هنعمل وصفة حرشة برضه و خطيرة، شوية سندوتشات كفتة ملهمش حل، تعالى احكيلك.
المقادير
- نص كيلو لحمة مفرومة
- ثمن كيلو لية مفرومة
- بصلة كبيرة مفرومة و متصفية تماماً من المياه
- معلقة كبيرة ثوم مفروم
- بقدونس
- ملح، فلفل، بهارات لحمة، جوزة الطيب.
طريقة التحضير
هنخلط المقادير دى كلها مع بعض و نعمل كور صغيرة جداً زى الڤيديو كدة، فى شوية زيت هنشوح بقى الكفتة مع شوية بصل و فلفل و هيبقى معانا شوية كفتة اخر دلع 😍
هنعمل كمان شوية مسبكين نحط لهم طماطم معصورة و صلصة ده بقى مود تانى خالص.
عيشك الفينو الحلو و عبى و كل احلى سندوتشات كفتة سهلة و سريعة، جربوا السندوتشات و قولوا لنا رأيكم 😍😍
