وصفة ستيك دجاج فخمة مع الصوص الابيض بدون كريمة و الماش بوتيتو مع الجريفي صوص وخضار السوتيه👌
Chicken steak with white sauce
Mashed potato with gravy sauce
Sautéed vegetables
الماش بوتيتو 🥔
Mashed potato
بنحتاج لسلق حبات البطاطا حتى تمام النضج بنهرسهم (والبطاطا ساخنة) وبنضيف ربع كوب زبدة وبنحركهم حتى تذوب الزبدة بعدها بنضيف ثلث كوب حليب سائل واخر شي الملح والفلفل الاسود
ملاحظة : لو البطاطا بعد الهرس بردت بتحتاجو تسخنو الزبدة والحليب ع الغاز بعدها تضيفوها للبطاطا
🍃الجريفي صوص:
gravy sauce
معلقة كبيرة زبدة ومثلها طحين بنضيف كوب من مرق اللحم وملح وفلفل اسود واخر شي معلقة كبيرة صويا صوص.
🍀ستيك الدجاج
Chicken steak
بنحتاج صدور دجاج (السماكة حسب رغبتكم) بعد تنضيفها بنشفها وبندقها وبنتبلها ب (الخردل، ثوم مهروس، ملح، فلفل اسود، ثوم وبصل بودرة، اوريغانو، عصير ليمون، زيت زيتون) بنتبل صدور الدجاج كثير منيح وبنتركهم ساعة فاكثر بالثلاجة.
بالمقلاة بنضيف الزبدة ولو متوفر الروز ماري وبنضيف صدور الدجاج والمقلاة ساخنة وبنستمر بتقليبها كل دقيقتين حتى نضمن توزيع الحرارة وتستوي بالتساوي وتكون جوسي juicy.
🍶الصوص الابيض:
white sauce
بنصفي الزبدة اللي قلينا فيها الدجاج بنضيف عليهم معلقتين كبار طحين وكوب مرق الدجاج وكوب حليب سائل وملح وفلفل اسود.
🥦🥕 خضار السوتيه
Sautéed vegetables
بنضيف خضار السوتيه حسب رغبتكم بماء ساخن جدا بنضيفهم بالتدريج حسب قساوة الخضار (اضفت بداية الفاصوليا وبعد ٣ دقايق الجزر واخر شي البروكلي )
وبالعافية ع قلبكم 💓
