ستيك الخشخش مع المرقه الخاصة وصفة من نوع المقبلات تبهري فيها ضيوفك للي تحب تتميز
طريقة التحضير
في طاوة عالنار اضع ملعقتين زبده وملعقه زيت ولما يصير حار احط شرايح الستيك المقطعه رفيع
احط م/ص فلفل اسود
ونص م/ص جوزة الطيب
ولما يتحمر شوي الستيك اضيف حبة بصل ابيض مقطع شرايح وفصين ثوم مقطعين صغير
وم/ص ملح ورشه فلفل اسود
وملعقتين صويا صوص خفيفه
ولما يتحمر البصل مع اللحم اطفي النار وارفعه في طاوة تانيه واغطيه عشان ماينشف
وبنفس الطاوة بدون مااغسلها احط ملعقه زبده وفص ثوم سليم وفلفل حار سليم واحمرهم شوي واضيف ملعقه دقيق احرك شوي واضيف نص حبه مرقه ماجي مع كوب مويا حاره ورشه فلفل اسود وجوزة الطيب ولما يغلي اضيف ربع كوب كريمة واغليه دقيقه
للبطاطس:
اربع قطع حجم وسط
قطعته رفيع باستخدام البشاره او الجهاز المتوفر واغسلته كم مره لحد ما صارت مويته صافيه وحطيته في مويا وملح وقليته على دفعات في زيت غزير مع التقليب كل شوي عشان مايتماسك ولما يصير لونه ذهبي ارفعه واصفيه على ورق واحط ملح عليه
واخلط الستيك مع البطاطس وقت التقديم وتقدم معاها المرقة وبالعافيه
