| سآندوتش لذيذ بلمسات مكسيكية بخبز سكويرز |استخدمت الخبز الأبيض والبر وفيه بالحليب .. تعجبني كلها طريّه ولذيذه وسماكتها خفيفه وناعمه مافيها أطراف زي التوست ..
** أول شيء أخذت صدور دجاج مبرّده بعدين تبّلتها بـ : ليمون ، ملح ، ثوم بودرة ، خل ، زعتر مجفف ، فلفل أسود ، فلفل أحمر هلابينو مفروم ناعم وخليتهم ليله كامله بالثلاجة .. مو ضروري ليله كامله أقل شيء نص ساعه ..
بعدين شويتهم بالتاوة وإذا خلصت من الشوي ماأشيلهم على طول أغطيهم وأخليهم هذي الخطوة مهمه عشان المويه ترجع تتوزع في الدجاج ويصير طري جداً 👌🏻
** نجي للصوص :
حبة افوكادو مستويه أضفت عليها صوص مكسيكي جاهز ” غواكامولي ” وش عباره عنه :
هو بالاساس يعتمد ع الافوكادو بس أنا حبيت أزيد ثمرة الافوكادو عشان تعطيني كميه أكثر وأضفت شوي من صلصة شونكي حارة عباره عن صوص طماطم مع بصل وخل وشوي فلفل هلابينو وبعدين أضفت شوي من صلصة الديناميت الحارّة رهيب طعمه و فلفل أحمر بارد فرمته ناعم اضفته عشان يكسر لي اللون الأخضر وممكن نضيف أي شيء على مزآجنا ننقص ونزيد لين نوصل للطعم اللي نبيه .. 👌🏻
عاد جا في بالي مره ثانيه أحط حبيبات رمان ..
طيب خلاص ضبطنا الصوص وذقنا طعمه ممتاز ندهن كميه منه على شريحة الخبز بعدين نضيف هلابينو وبعدين شرائح الدجاج وفوقهم جبن التشيدر ونغطي الحشوة بشريحة الخبز الثانيه وندهن الوجه بشوي زيت زيتون وندخلهم الفرن يكون ساخن بس تتقمّر من فوق ويذوب الجبن شوي نطلعم ونحط الخضروات اللي نحبّها ..
بالنسبه لي حطيت أوراق الجرجير الصغيره أحب طعمها و شكلها بالساندوتش .. وبس والله طعم خطير كل اللي بالبيت أعجبهم أنصحكم تجربونه 🤤👌🏻
