| رولات الدجاج مع الصوص شيء خيال 😍🔥 |
1- العجينه :
- كوبين طحين أبيض
- نص م ص ملح
- م ص سكر
- م ص خميرة فوريه
- نص م ص بيكنج بودر
- 2 م ك زيت زيتون
- نص كوب حليب أو زبادي
ونعجن بالماء الدافي شوي شوي لين تكون عندنا عجينه لينه وطريه وملمومه ماتلزق باليد 👌🏻
نخليها تتخمر نص ساعه إلى 45 دقيقه .
2- نفردها بشكل مستطيل وبعدين نصف عليها جبن شرائح ونحط الحشوه فوق الجبن بعدين نلفها رول ونقطعهم زي فكرة السينامون .
3- نصفهم بالصينيه ونخليهم يرتاحون نص ساعه وبعدين ندهن الجوانب بالحليب أو صفار بيضه مع شوي حليب أو زيت زيتون على راحتكم ونرش ع الوجه سمسم و ندخلهم فرن مسبق التسخين مشغل من تحت على درجة 400 فهرنهايت .
4- بعد ماتستوي وتتحمر نحط عليها خطوط من الصوصات + رشة بقدونس + هلابينو و فلفل رومي أحمر مقطعين مكعبات صغنونه مره .
لذيذه من قلب بس و أنتم تصلحونها صلحوها بحب وروقان وشوفو كيف تطلع يمممممي 😋👌🏻
حشوة الدجاج :
صدور مبرده دقّيتها لين صارت رفيعه بعدين قطعتها شرائح طوليه وبعدين تبلتها :
( عصير ليمونه – ٣ م ك خل أبيض – فلفل أسود وأحمر – بهارات مشكّله مطحونه – كركم – شوي كمون – ٣ فصوص ثوم مهروسه + حبة بصل حجم وسط مقطّعه مكعبات – ملح – ٢ م ك زيت زيتون )
أفرم البصل مع الزيت والليمون والخل والثوم وبعدين أحط البهارات ..
وبصحن عميق أخلطهم مع الدجاج وأخليهم بالثلاجه من الليل وبعدين وقت الطبخ آخذ قطع الدجاج أصفّيها من التتبيله وأقطعها قطع صغييييره .. بعدين أجيب التاوه وأخليها تسخن مضبوط عشان يتماسك الدجاج على طول ماتطلع لي مويته 👌🏻
ولمن يبدأ يستوي أضيف الفلفل الرومي الملون مقطع مكعبات صغيره وأضيف شوي كريمة طبخ وشوي جبن سائل .. ونخلط ونخليهم يتسبكون و نذوق الطعم النهائي ونعدل إذا يحتاج ملح أو أي شيء .. وبعدين إذا بنستخدمها حشوه للمعجنات لازم نستخدمها وهي بارده مو ساخنه عشان ما تتقطع العجينه .. وبس والله بألف عافيه ♥️
. | الصوصات |
اللي لونه برتقالي :
صوص فرنسي جاهز .
الأبيض عباره عن صوص رانش :
طريقته نخلط /
نص كوب ساور كريم
ربع كوب مايونيز بالثوم
ربع ملعقه صغيره بودرة البصل + شوي بقدونس مجفف
ملح وفلفل أسود
أو اشتروه جاهز 😉
وطبعاً تقدرون تبدعون بالصوصات وتغيرون فيها
خلوني أشوف تطبيقاتكم اللي تفتح النفس 😍
#مخبوزات_عبير_العميرة
