وصفتين كتير سهل تحضيرن 👌🏻
و الكل بحبن
رز بالحليب وكيكة جوز الهند
المسقاي بالحليب والزعفران
استخدمت سكر الاسره اجود وانقى سكر
٥ ليتر حليب بقر فرش- كوبين سكر – كوب رز مصري – ملعقة طعام مستكه – نبتة العطره في منها بالمشاتل وامي بتحط ورقتين من شجر الليمون – ملعقة طعام ماء زهر و ملعقة طعام ماء ورد .
اول شي الحليب الطازج عشان نقدر نشرب منو لازم نغلي .
بعدين فيكن تحطو بالثلاجه ( البراد) تشربو بارد سخن .
بعد غلي الحليب سلقنا الرز ليذوب بعدين ضفنا الرز و النشاء و السكر والعطره بس يسمك شوي الحليب ويعلق عالمعلقه منضيف ماء الزهر والورد و منطفي منسكبو هو وسخن و منحرك نحنا و عم نكسب عشان الرز يطلع بكل الكاسات .
بس يبردو شوي منحطن بالبراد ٤ ساعات .
عالوج فستق
مقادير كيكة جوز الهند
- ٤ بيض
- ثلاث ارباع كوب سكر
- ثلاث ارباع كوب زيت
- كوب حليب سائل
- معلقه صغيره فانيلا
- منخلط اعلى درجه ٥ دقائق
- ضفت بعدين كوب ونصف طحين منضيفو على دفعات
- و كوب ونصف من جوز الهند
- معلقة طعام بايكنغ باودر
منحرك المواد كتير منيح
بصينية منحط طحينه ( هرده)
ومنحط المزيج
وبفرن حامي حراره ١٨٠ من
٢٥ دقيقه الى ٣٠ دقيقه
منحمر الوج اخر شي
بس تطلع من الفرن بعود خشب
منعمل فيها فتحتات منسقيها
بالحليب السخن كوبين مع ٣ معالق طعام
حليب مكثف و شوية زعفران
منحطا بالبراد الثلاجه ساعتين
منحط الكريما عالوج مع كراميل
