دينمايت فرايز

🍟💥دينمايت فرايز 💥🍟

المقادير

حمسة لحم المفروم:
نحمس نص كيلو لحم مفروم من غير ولا شي ..لما يتغير لونه انضيف بصل مفروم صغير و فصين ثوم ونحمس عدل ..تالي نضيف البهارات ( كركم-كمون-ملح-فلفل اسود-بابريكا-بهارات ماجك للحم)..وبعدها نضيف ملعقتين صلصة بيتزا ونخلط ..وبسس

خلطه الجبن الاجراميه🔥😍
نذوب ربع قالب زبده بجدر و انضيف عليه ملعقتين طعام طحين ونحمس عدل تالي نضيف كوب حليب سائل ونخلط لما يثقل الخليط تالي الملح والفلفل الاسود..و انضيف كوب جبن شيدر مبشور ونخلط ..و نضيف ملعقة طعام كل من ( كاتشب -ورشستر شاير صوص-خردل او ماسترد -سويت ان تشيلي صوص) ونخلطهم مع بعض

طريقة التحضير

بطبق التقديم نضيف البطاط العادي مع البطاطا الحلوه و فوقهم نص كمية صلصة الجبن +تالي حمسة اللحم المقروم و رشة جبن موزريلا و نكرر الخطوات و اخر شي يزين بالبصل المكرمل مع صلصة الجبن والهالبينو وصلصة الرانش👍❤️

و استمتعوووا بألذ بطااااط اجرامي😌🔥❤️