سويت هالطبق امس.
اول شي : سلقت الدجاج مع بصله بهارات صحيحه ملح بهار مشكل لمدة ساعه.
بعدها شيلت اللحم عن العظم.
حمرت مكعبات اربع حبات بطاط يصير بالفرن او بالقلاية.
حمست بصله صغيره مع جزر مقطع شرايح ضفت الدجاج فلفل اسود لومي اسود شوي ملح اذا احتاج.
حطيت شوي من البطاط وفوقهم حمست الدجاج واخر شي البطاط
الصلصه عليك قيمر مع جبن كرافت ثلاث ملاعق ملح فلفل اسود حليب سائل وبالمكينه.
وصبيت الصلصة على الدجاج والبطاط وبالفرن بس تحت ما ياخذ وقت ولا تغطونه ربع الى عشرين دقيقه لا تنشفونه. ..
ووقت التقديم شوي خبز من فوق وبالعافيه.
تقدرون تسوونها مع الربيان روعه ايضا.
طبق لذيذ جدا وراح يحبه الصغير والكبير .
