| خلية جبن مالحه بالخلطة الخنفشآريه |
أول شيء نصلح العجينة :
المقادير
- نخلط 4 أكواب طحين أبيض
- م ص ملح
- ملعقة ونص صغيره سكر
- م ك خميرة
- بهارات فلفل حلو أو حار على حسب الذوق
- وبعدين نضيف عليهم ثلث كوب زيت زيتون
- كوب وربع ماء دافي وممكن نحتاج زياده وقت العجن
ونخليهم ينعجنون بالعجانة 10 دقايق على سرعة وسط وبعدين تتخمر نص ساعه ونرجع نعجنها مره ثانيه ونخليها ربع إلى نص ساعه بعدين نكورها كور بحجم واحد ونحشيها قطعة جبن تشيدر مع موزريلا وبعدين نصفّهم بأي صينيه عندكم ونخلي بينهم فراغات بسيطه ونغطيهم يرتاحون قبل ماندخلهم الفرن ، في هالوقت نشغل الفرن على درجة 400 فهرنهايت بالرف الوسط ويكون مشغل من تحت وقبل ماندخل الفطاير ندهن الوجه بالحليب الدقايق الأخير أشغل عليها المروحه من فوق وتحت تاخذ لون حلو وبعدين أطلعها وأصير مجهزه
الخلطة الخنفشآرية عباره عن :
- نص اصبع زبدة
- بهارات ايطاليه
- ورقة ريحان طازج فرمتها مررره ناعمه أو نعناع إذا ماعندك
- بودرة ثوم
- بقدونس وشوي كزبره مفرومه
- فلفل رومي
إذا تحبون يكون مقطع مررره أصغر شيء نذوبهم مع بعض ع النار بعدين نوزعها بالكامل ع الخليه ونغطيها شوي تتشرّب الخلطة ..
بعدين نقدمها دآفيه و لا ألذذذ 😴👌🏻
