خبز عروق 👌
.
المقادير:
شدة كل من ( كزبره-كرفس-نعناع-بقدونس)
كوب جزر مبشور
٤بصل مفروم
٢ طماط مفروم
٢ كوب طحين اسمر
كوب ماء
ملعقه طعام خميره
ملعقه طعام ملح -ملعقه وسط ( فلفل اسود-كركم-كاري-كمون-كزبره-لومي بودر-قرفه)
ملعقه طعام دبس الرمان
.
الطريقه:
نخلط الخضار كلها مع بعض وانضيف عليها البهارات ..تالي الطحين ونخلطهم عدل
وانضيف الخميره على الماي وبالتدريج انضيفه على الخضار ونعجن ..لما يكون قوام العجينه شوي متماسك مو سائل وانضيف دبس الرمان ..نغطيها وتخليها بالثلاجه نص ساعه عالاقل
.
تالي تقليها بزيت مايكون وايد غزير ولا وايد حار ..نشكلها باليد على شكل اقراص مسطحه شوي ونقليها .
ملاحظة:تقدرون اتضيفون اي نوع خضار انتو حابينه ( بطاط او كوسا مبشورين)
.
واتقدمونه مع اي صوص تحبون ..انا خذيت شوية من صلصه الفته و زدت عليها دبس الرمان و رشة سماق
.
#وصفات_نور
