خبز بالفلفل الأحمر الحلو 😍
أبهرتني النتيجه طرواه ولذاذه ع الآخر 😋👌🏻 وحسيت بسعاده لأن حطيتها ببالي ورتبت المقادير ونفذّت ومن أول تجربه كانت الوصفه ناجحه 👏🏻👏🏻👏🏻 . . .
| خبز الفلفل الأحمر الحلو طري ولذيذ 😋👌🏻 |
1- أربع حبات فلفل أحمر حلو نشويها بالفرن ونشيل القشره عنها ونفرمها بمحضرة الطعام ونعبّي
كوب واحد كامل .
2- نخلط معه ثلث كوب حليب سايل دافي 80 مل + ربع كوب زيت ونخلطهم مع بعض لين يندمجون .
3- وبعدين نخلط بصحن صغير ملعقة كبيره خميرة
+ ملعقة سكر + ربع كوب ماء دافي ونخلطهم ونغطيهم
لين ترتفع الخميره .
4- نرجع لخليط الفلفل الأحمر نضيف عليه المقادير الجافه ونعجنهم والمقادير عباره عن : 4 أكواب طحين أبيض + نص م ص ملح + نص م ص بيكربونات الصوديوم + م ص بيكنج بودر + 3 م ك حليب بودره .
نعجنهم مضبوط لين تصير عندنا عجينه طريّه وملمومه
إذا تعجنينها بالعجانه خليها تنعجن 10 دقايق كل مازاد العجن كل ماصارت العجينه طرواتها تجنن .
5- نخليها لمدة ساعه كامله وبعدين نكورهم كور متساويه أو أي تشكيلونغطيهم يرتاحون من نص ساعه إلى 40 دقيقه .
6- دهنتهم بالحليب ورشيت عليهم سمسم ودخلتهم لفرن مسبق التسخين على درجة 400 فهرنهايت بالرف الوسط ويكون مشغل من تحت 10 دقايق تقريباً وبعدين نشغل من فوق يتحمر ، لا يطول عن ربع ساعه بالكثير ثلث ساعه .
