خبز الطابون الفلسطيني بدون طابون او حتى فرن الحطب بتمنى تقراوا كل الملاحظات لتستفيدوا من الوصفة 🙏🏻🌹
– مقادير العجين :
- ٦ اكواب طحين (يفضل بروتين لا يقل عن ١٢)
- معلقة كبيرة ممسوحة خميرة
- ٢ معلقة كبيرة حليب بودرة
- ١ م ك سكر
- مقدار الماء الدافئ الاصل ترطيب ٥٠٪ يعني ٣ كاسات ماء فانتو ضيفو من (2 ½ -3)كوب بالتدريج حسب قدرتكم على التعامل مع العجين لكن العجين لازم تكون رخوة
- بنخلط المكونات اعلاه وبنتركهم ١٠ دقايق بعدها بنضيف 👇🏻
- معلقة صغيرة ملح
- ٣ معالق كبار زيت زيتون
تعجن العجين مدة كثير منيحة لا تقل عن ثلث ساعة ونغطيها ونتركها ليتضاعف حجمها
بعد ان يتضاعف حجمها تقسم العجين الى كرات الحجم حسب رغبتكم ونستخدم الطحين لحتى نلم قطع العجين وحتكون لاصقة
لطريقة الخَبِز:
يحمّى الفرن على اعلى درجة حرارة وتغلف صينية بالقصدير ويوضع عليها حجار الحصى او الرضف او فتات الفخار قبل بساعة من الفرن
بعد ان نفرد قطع العجين نضعها على الحجارة بمجرد ان تتماسك وتستوي نقلبها ع الوجه الثاني (كل ما زادت مدة الشواء دون ضرورة بنشّف الخبز) بعدها بنرفع الرغيف ع الشواية فقط يوخذ لون
وبنغطيهم مباشرة بكيس بلاستيك وفوطة مبلولة.
ملاحظة : الحجار المستخدمة يمكن ايجادها في محلات الكماليات والزينة تستخدم لتزيين احواض الزريعة والسمك ويمكن ايجادها في قسم الزهور والورود الصناعية
