| خبز البراتا بحشوة البطاطس مع الدجاج |
شيء شيء يجننننننننن وينفع بقوه لأصحاب
الفود ترك مررره بطل واللي راح يصلحه يراسلني ع الخاص أمر عليهم أذوقه 😋👌🏻
أول شيء نصلح العجينة :
3 أكواب دقيق أبيض كويتي
كوب دقيق أسمر استخدمت فوم
م ص ملح
3 م ك زيت
الماء نضيفه بالتدريج لين تصير عندنا عجينه لينه ملمومه ما تلزق باليد سواء بالعجانه أو باليد .
احتجت كوب وثلاث أرباع كوب بالضبط 👌🏻
بعدين نخليها ترتاح شوي مو تتخمر بس ترتاح على بال مانجهز الحشوة :
4 حبات بطاطس حجم وسط نغززها بالسكين
يعني نسوي فيها فتحات من كل الجهات وبعدين ندخلها للمايكرويف تقريباً 6-7دقايق وكل وحده تجرب مع مايكرويفها تبدأ تحط 5دقايق وتزيد الوقت دقيقه دقيقه لين يستوي ، نقشر البطاطس ونبشره بالمبشره بشر ناعم وهذي أفضل وأسرع طريقه للبطاطس للمهروس ،
في تاوه نضيف زيت زيتون مع ثوم مهروس وشوي زنجبيل مهروس جاهز أو طازج يصير نفرمه مع الثوم ونضيف البهارات وتكون مطحونه :
كركم ، فلفل أسود وأحمر ، أعشاب إيطالية ، نعناع مجفف ، بهارات شاورما أو دجاج .. من كل شيء شوي عشان ماتكثرون بهارات ..
وبعدين نصير مقطعين دجاج صدور مبرده الصحن اللي فيه 4 قطع نقطعهم قطع صغيره مررررررره ونحركها ع التاوه لين يتغير لونها وتتماسك وبعدين نضيف فلفل رومي أخضر وأحمر أو حار على حسب الرغبه وأضفت جبن مبشور كرافت مع شوي جبن سائل بعدين نضيف البطاطس وآخر شيء بقدونس + كزبره .. بعدين نكور البطاطس مع الدجاج كور متوسطه
ونقطع العجينه لكور أكبر منهم بشوي بعدين نفرد العجينة على سطح مرشوش بالدقيق ونحط كورة البطاطس بالنص ونقفل عليها العجينه مضبوط بعدين نبدأ نفرد بشكل خفيف لين تصير عندنا العجينه سمكها رفيع ثمن نحمّي الصاج أو التاوه ونحمر الخبزه على جهتين مع الدهن بشكل خفيف بالزبده الذآيبه أو الزيت أو حتى بدون دهن ..
ممكن عند التقديم يكون فيه جبن سائل ندهن منه شوي ع الخبزه ونلفّه رول وتكون الخبزه توها مخبوزه وهي حارّه مع بيالة شاهي خياااااااال 😴
** الحشوه مو شرط بطاطس مهروس أو دجاج ممكن أجبان مشكّله أو لحم مفروم أو أي شيء على حسب ذوقكم ♥️
#مخبوزات_عبير_العميرة
