نفرم بصله كبيره مع حبة فلفل رومي كبيره واربع فصوص ثوم وبقدونس او كزبره فرم ناعم ونصفيهم بمصفاة سلك من الماء الزايد فيهم لانه هو اللي بيخلي الحواوشي طري مش مقرمش
اللحمه لازم يكون معاها دهن كتير مفروم انا اخدت ٧٠٠ جرام لحم بقري مفروم وفرمت عليه ٣٠٠ جرام دهن بقري او غنم حسب المتوفر
ونضيف عليهم ملعقة دقيق (بتمتص اي سوائل تنزل من اللحم)
ونضيف عليهم الخضار اللي فرمناه
وملح وفلفل وكزبره والسبع بهارات ورشة قرفه ونعجنهم كويس جدااا
ونحشي بيهم الخبز
نشويه في الفرن او في مقلاه او في الشوايه المهم تكون سخنه جدا والنار متوسطه لمرتفعه بياخد ٢٠ دقيقه مع التقليب لحد مايطلع الخبز مقرررمش واللحم مستوي
✌🏻
