حلا قدره القادر

حلا قدره القادر طريقته اسهل مما كنت أتوقع كنت احسبه صعب ومحا يضبط معايا 🙊😂♥️♥️

طريقة التحضير

الخطوه الاولى ؛ نجهز الكراميل ، في قدر ع النار نذوّب السكر مع 3 ملاعق مويه الين يذوب تماماً و يتكرمل ..
بعدين نصبه ع الصينية كطبقه أولى ..

-الخطوه الثانيه : نجهز خليط الكريم كراميل
نخلط 3 بيضات مع ملعقه صغيره ڤانيليا و نص كوب حليب مكثف محلى و نص كوب حليب سائل ، نخلطهم بالمضرب اليدوي او الكهربائي و نصبه في الصينيه و نخليه على جنب ..

-الخطوه الثالثة : نجهز خليط الكيك .. استخدمت خليط بيتي كروكر الجاهز زي ما هوا مكتوب بالغلاف من ورا بس انا أضفت شوكليت باودر عشان الخليط الي عندي لونه ابيض ..
بعد ما يجهز خليط الكيك نصبه ع الكريم كراميل …

-الخطوه الاخيرة : نجهز الحمام المائي و ندخل الصينيه في الفرن على درجه حراره 200ْْ / 40-45 دقيقه و النار من تحت بس ..

-بعد ما يجهز الكيك فجاءه تشوفو انه بقدره قادر انفصل الكيك عّن خليط الكريم كراميل وهذا سبب التسميه😂♥️♥️

-ندخل الصينيه للثلاجه 4 ساعات او ليله كامله و تقلبونه و يتقدم باارد ..

*ملاحظه* قبل لا تقلبو الصنيه حطوها شوي في حمام مائي اقل من 3 دقايق بس عشان يذوب السكر الي تحت ..
و بالعافيه عليكم مقدماً♥️♥️♥️..