حلا بسكوت ديمة بالتمر

. حلا بسكوت ديمة بالتمر .

هالحلا قديم ولذيذ وسهل مرررره وكل وحده
لقيتها تسوّيه بطريقه مشابهه للثانيه عاد جرّبت أضيف وأزيد لين ثبت على هذي الطريقة 👌🏻 .
.
” المقادير :
( ٤٨ قطعة بسكوت ديمه بالتمر العادي اللي لون كيسته بنفسجي لأن الأنواع الثانيه تختلف حجمها فتصير الخلطه كثيره عليها ! + اصبع زبدة ١٠٠ جرام + ملعقتين صغار قرفة مطحونه )
. الخلطة البيضاء / كوبين قشطة قيمر أو أي نوع يعني يساوي : 500 جرام + كوب واحد حليب مكثف محلّى + كوب واحد كريمة خفق يعني الكوب يساوي : 250 جرام + بيضه وحده
مع م ص فانيلا سائلة .. . أول شيء نقص البسكوت مع النص ثم نذوب الزبده مع القرفه على نار هادئه بعدين نضيف كل البسكوت ونقلّبه بهدوء عشان يتشرّب الزبده ..
. ثم نرتّبه بصينية مربعه أو عادي بايركس بس أرتب لك بالتقطيع تكون الصينيه المربعه اللي حوافها تنفك .. .
• مقاس الصينية : 9*9 انش .
( الترتيب للبسكوت يصير طبقتين أفضل عاد
تبينها مرتبه أو عشوائي على ذوقك )
. ثاني شيء الخلطة البيضاء كلها مع بعض بالخلاط ، ثم نصبّها بهدوء على طبقة البسكوت ..
آخر شيء على الوجه ننثر لوز شرائح أو أي نوع مكسرات بس أفضّل يكون لوز 👌🏻 . ندخلها لفرن مسبق التسخين على درجة
حراره 180ْ م مشغّل من تحت بالرف الوسط ..
20 دقيقه تقريباً ثم نشغل عليها من فوق 10 دقايق طبعاً الوقت تقديري لأن كل وحده فرنها يختلف الفرن اللي استخدمته كهربائي ايطالي ماركة ( إلبا ) . بعد مايستوي لا تطلعينه من الفرن على طول طفّي النار وخلي باب الفرن مفتوح شوي لين يبرد تماماً ثم خليه ليله كامله عند المكيف بالنسبه لي ألذ من إنك تدخلينه الثلاجه لأن الثلاجه حسّيت إنها ترطّب الطبقه البيضاء يصير كأن فيها مويه !
وعقب التقطيع مربعات وعند التقديم خططي عليها شوي كاراميل وبس والله حبّيت أشرح بالتفصيل عشان وقت التطبيق يصير واضح لكم كل شيء 👌🏻
..
.
• ملاحظة :
فيه نوع بسكوت ديمه بالتمر مكتوب ع الكرتون “سكري” هذا ألذ من العادي بس حجمه أصغر إذا استخدمتوه لا تصبّون كل الخلطة لأنها بتكون كثيره !