حلا النسكافية والنوتيلا

🍫🍵 حلا النسكافية والنوتيلا بطريقتي

حلا النسكافية والنوتيلا بطريقتي : 🔸️أول طبقة : طبقتين بسكوت ماري مغطس بحليب سائل عليه معلقة صغيرة نسكافية (يكونوا سخنين ) عشان يطرا البسكوت ..

🔸️الطبقة التانية : مغلف دريم ويب . مغلف كريم كراميل . علبة قشطة. ٤جبنة كيري أو مثلثات (بحرارة الغرفة ) . فنجان قهوة حليب مع نسكافيه (أخدته من السائل الي غطست فيه البسكوت ) بخفقهم بالخفاق الكهربائي أول شي الدريم ويب والحليب لتنفش الكريمة وبعدين الجبنة والقشطة والكريم كراميل
بحط نص كمية هاد الخليط ..

🔸️الطبقة الثالثة : بكرر طبقتين بسكوت ..

🔸️الطبقة الرابعة : الجزء الي ضل من الخليط ..
وعلى التلاجة ساعة ..

🔸️برجع بحط طبقة بسكوت وحدة..

🤹‍♀️🔸️الطبقة الأخيرة : علبة قشطة مع ٣ معالق كبار نوتيلا بالمايكرويف وبحركهم منيح مع بعض وبس يبردوا بسكبهم وعلى التلاجة لوقت التقديم ..
ملاحظة : قبل التقديم حطوا الحلا بالفريزر نص ساعة
والف صحه وهنا
@safiyeh__kitchen