حلاوة الجبن بطريقة سهلة وبالقشطة المنزلية ولا اطيب من هيك 👌
بطنجرة بنحط كاسة ونص ماء وبنتركها ع الغاز لحتى تصير دافية بعدها بنضيف كوب سكر وبنحرك ليذوب السكر بعدها بنحط كوب سميد ناعم او وسط وبنستمر بالتحريك ليثقل القوام ويستوي السميد.
بنضيف نصف كيلو جبن موزريلا (نوعية جيدة) او عكاوي وبنستمر بالتحريك ليصير عنا عجينة متماسكة وبنحرك العجين بسرعة لحتى تختفي الجبنة تماما ويصير عنا جبنة مطاطية اخر شي بنضيف ربع كوب ماء زهر.
بنفرد نايلون او ورق زبدة وبندهنو بمعلقتين كبار قطر وبنفرد العجين وبنقص الاطراف ليسهل لفها.
بنحط عطرف العجين القشطة ويفضل تكون بيتية لانو قوامها بيجي افضل وبنلف الرول وبنكمل مع باقي العجين وبنغلفهم بالنايلون وبنحط الرول بالثلاجة نصف ساعة تمسك القشطة فيه وبنقطعوا وبنقدموا مع قطر والتزيين حسب الرغبة
لتحضير القشطة
لمقادير القشطة :
بنحتاج لترين ونص من الحليب الكامل الدسم مضاف الو نصف كوب من الخل (او عصير الليمون) وبنستمر بتحريكهم ع الغاز حتى يفصل الحليب بنصفيه وبنحتفظ بالقريش
بطنجرة ثانية بنحط نصف لتر من الحليب مع نصف كوب نشا وبنحركهم حتى يذوب النشا وبنحط عليهم ٣ معالق كبيرة سكر وبنستمر بالتحريك حتى يثقل القوام بنضيف عليه القريش اللي صفيناه وبنحركهم حتى تختفي التكتلات بنتركهم يبردوا وبندخلهم الثلاجة لمدة ٤ ساعات وع قلبكم بالف عافية.
