جبنية الغاليه علمتني عليها .. مالها مثيل ماشاءالله ؛ لذيذه وخفيفه😋 .. لازم تسوونها بكرا على فطوركم يلا معاي💃🏻؟
العجينه 🍞:
* نجيب كاس 🍶فيه ربع مويا ونحط ملعقتين صغار خميره
٣ ملاعق صغار سكر
ونخلط الى مايذوب ونخلي على جمب ١٠ دقايق .
نجيب صحن عميق ونحط ( بيالة زيت + بيضه وحده🍳 ” انا حطيت بيضتين عشان حقنا طازج وصغير ” + نقطتين فانيلا سايله + كاس الخميره اللي سبق سويناه + ثلاث ملاعق كبا جبنه ڤيتا )
ونخلطهم كويس يا بالخلاط او باليدوي او بالسلك ..
ثم نكمل ونحط ( كوب ونص طحين + ملعقتين كبار حليب مجفف + ملعقه صغيره باكنج بودر ) ونعجن باليد الى مايصير الصحن نظيف ؛ اذا حسيتو تتلصق زيدوا طحين الى ماينظف الصحن . ( نغطي العجين في بلاستيك ) ونحطه في مكان دافي نص ساعه تتخمر .
بعد نص ساعه ، نفرد العجينه لا رقيقه ولا متينه نص ونص .. ونقطعها دوائر بالكاس او مثل الطريقه الثانيه بالفيديو وهذا اسهل عشان مايبقى من العجين شيء زايد ( نقليها ب زيت غزير على درجة حراره عاليه ) وقلبوا فيها مثل ماعملنا بالفيديو 👌🏻 اخر شيء اسقيتها عسل او شيره وحطيت سمسم ، ماشاءالله شفتوا كيف صارت مفرغه 😍 تجنن بنات مره طعيمه وبالعافيه عليكم يارب 🌺
منشنوا طباختكم 💁🏻
