تورتيلا الدجاج بالمايونيز الحار

تورتيلا الدجاج بالمايونيز الحار 😋

الدجاج 🐔 :

صحن صدور دجاج ، ونقسم كل صدر شريحتين ونتبلهم ب شوي خل وليمون وملح وفلفل اسود وثوم / و ثم شوحناهم ع التاوه .. او بالفرن اذا تبون او بالشوايه .. ثم نقطعهم طوال مثل ماعملنا بالفيديو ونتركه على جنب 👌🏻

نجيب تاوه نحط زيت زيتون ثم البصل شرايح وفلفل بارد والفطر طازج شرايح ونحمسهم كويس الين مايتغير لونهم للذهبي ونحط فص ثوم مهروس + بهارات مشكله + مكعب ماجي + فلفل اسود + ملح – ثم الدجاج اللي قطعناه ونحمسهم كويس مع بعض 👌🏻 تقريبا خمس دقايق ونطفي عليه 😋

طفينا النار ع التاوه خلاص قضينا ونضيف لهم التالي😋:

مخلل مقطع مربعات + هالبينو + مايونيز فلفل حار “ماركة هينز استخدمت👌🏻” + جبن تشيدر هالماركه او اي ماركه تبون – طبعا كل هالاشياء كميتها على حسب رغبتكم 😌 .. ونخلطهم مع بعض كويس 😋👌🏻

وبس نحشيها بالتورتيلا ونشوحها ع التاوه او في التوستر وبالعافيه عليكم 😌💜

منشنوا طباختكم💁🏻
#هنوده_كيتشن

هل الفيديو لا يعمل؟ إضغط هنا