مساكم الله بالخير اخواني المتابعين واشكركم على تعليقاتكم الجميله قرأتها كلها وحطيت لها لايكات راح تنزل الطبخه الحين كامله على اليوتيوب على قناتي الي فوق غدانا اليوم تندوري الدجاج الهندي بالتنور على ثلاث دجاجات قطعتهم بالساطور ونزعت الجلد وسويت خلطة التندوري كركم وبهار التندوري من السوق وكزبر ناعم وثوم وزنجبيل وملح وروب زبادي وعصير الليمون وتبلت فيهم الدجاج قبل ساعتين وسويت معاهم خبز نان من اربع كاسات طحين اسمر وابيض وملعقة خميره جافه وملعقة ملح وملقة سكر. ونص كوب زيت والماء حسب العجن ونتركها تتخمر وشكيت الدجاج بالسيخ مع البصل وحطيت جدر ماء داخل التنور لكي يطري الدجاج وهذي من خبرتي بالشوي وتركته ٤٠ دقيقه ثم فتحت التنور ومسحت عليه مره ثانيه بالخلطه وتركته ربع ساعه وفتحت التنور وصار الطعم واللون والرائحه حكايه جميله وطعم رائع ونضوج صح اذا عجبكم المقطع لاتسوني بالتعليقات واللايكات 🌹
