| تشيمني كيك Chimney Cake | .
#تشيمني_كيك_عبير_العميره
المقادير + الطريقة :
بيضه + نص اصبع زبدة 50 جرام + ثلثين كوب حليب 160 مل + ربع كوب سكر + م ص خميرة نخلطهم مع بعض ونغطيهم شوي 10 دقايق بعدين نضيف عليهم كوب ونص طحين مع ربع م ص ملح ونعجن المكونات باليد وإذا احتاجت طحين نزيد شوي مع العجن لين تصير عندنا العجينه لينه وطريه وملمومه بعدين نغطيها ونخليها ترتاح نص ساعه تقريباً بعدين نفردها بشكل مستطيل أو مربع ونقصصها شرائط عريضه أو رفيعه على حسب كل وحده وذوقها والمقاس اللي بتصلحه ..
أخذت فراده خشب لفيتها بالقصدير وبعدين بدت أبرم الشرائط جنب بعض ولمن خلصت صرت أحرك الفراده بهدوء ع الديكور عشان تتساوى وتثبت ماتتفكك وبعدين مسحت عليهم بزبده ذايبه ورشّيت قرفه وسكر ودخلتهم فرن ساخن مشغل من فوق وتحت مع بعض مع المروحه عشان توزّع لي الحراره وتتحمر بنفس الوقت من كل الجهات وأول ما استوت وهي حاره دهنتها مره ثانيه بالزبده ورشيت سكر وقرفه ومن جوا دهنتها شوكلاته ذايبه مع فستق مجروش و بس 👌🏻.
الطريقه سهله و كل وحده تبدّع فيها على ذوقها متحمسه مررره أشوف شغلكم 😍👏🏻
