اول شي اي نوع بسكوت انا حطيت عليه وحده فقط مع ربع قالب زبده وخلطتهم مع بعض.
تقدرون تسون البسكوت بمحضرة الطعام بس انا سويته بهالطريقه للي ما عندهم اسهل لكم كل شي.
بعدها ماعون فرن افضل يكون مفتوح من القاعدة او الاجناب وبالثلاجه.
الطبقة الثانيه/ علبة جبن كريمي اي نوع ٢٠٠ غرام مع نصف علبة جبن سور كريم سكر ثلاث ملاعق وتخلطونهم عدل.
بعدها كريمة خفق كوب الا ربع او كوب عادي مع ملعقتين سكر وتخفقونهم بالمكينه اليدوية.
وتحطون الخليط عالجبن.
ثم ظرف جيلاتين مع شوي حليب سائل ملعقتين تذوبونه وعالخليط
علبة فراولة فرش مع سكر ملعقتين او ثلاث عصرة ليمون عالنار بدون ماء بعدها بالمكينه.
ومع نص ظرف جيلاتين انا افضل تحطون ظرف كامل علشان تصك اكثر .
تاخذون ملعقة كبيره من الفراوله على خليط الحين تخلطون تصبون الخليط بالماعون وبالثلاجة تصك.
الطبقة الثانيه باقي صوص الفراوله تصبونه على الطبقه الاولى بعد ما تصك وايضا بالثلاجة. تصك.
اخر طبقه تصففون الفراوله الفرش بالماعون بعد ما كل شي يبرد
كوب ونص ماي مع ملعقتين سكر مع ظرف جيلاتين ولو ظرف ونص افضل علشان تصك عدل عالنار شوي وتصبون الخليط عالفراوله يكون بارد
وبالثلاجة يوم كامل او اربع ساعات اذا صكت عدل.
انا خليتها يوم كامل لان كنت مو حاطه جيلاتين كامل .
جربوها كانها ايس كريم طلعت وايد لذيذة واعجبتهم وبالعافيه.
#وصفة_تشيز_كيك_بارد_نادية_كوك
#وصفات_حلا_نادية_كوك
#وصفات_لذيذة_نادية_كوك
