مساكم الله بالخير اخواني المتابعين وشكرا لكم على الألف وخسمائة تعليق جزاكم الله خير الجزاء على دعائكم الجميل لي 🌹قرأتها كلها اليوم طلب من بنتي مريم تبي تشريب سمك الي اهو الثريد على خبز الخباز فرحت السوق وشريت يمك بواليل طريه حيه من السوق وقطعتهم وغسلتهنم وبهرتهم ببهار السمك كركم وملح وفلفل اسود وقليتهم بالزيت وسويت لهم مرق خفيف من البصل والكزبر الأخضر ولشبنت والثوم والزنجبيل والطماط المقطع وصلصة المعجون والملح واللومي لسحاري والثوم العدل وحمستهم ونزلت عليهم البهارات كركم وكزبر وملح وصبيت الماء عليهم ونزلت فيهم السمك بعد ما قليه وخليته ربع ساعه ورفعته وقطعت خبز تنور وحطيته بالصينيه وصبيت عليه المرق وصفيت قطع السمك فوقه ودخلته الفرن علشان يتسبك ويربط عدل وطلعته وقدمته لبنتي الحبيبه الوحيده وبالعافيه عليكم هذي طريقتي في تشريب السمك واي واحد يبي يقلدها خل يذكر اسمي جزاكم الله خير لايقول هذا جديدنا مثل ماسوو بعض المطاعم لصينية سمك لشعوم بالخلطه انسبوها لمطعمهم وقالو هذا جديدنا هههه اذا عجبكم المقطع لاتنسوني بالايكات والكومنتات الجميله الي تثلج الصدر 🌹
