وصفتنا اليوم تارت لذيذ بالعنب وبكاسترد الليمون جربوه للعيد 😍♥️
المقادير
للتارت:
- كوبين دقيق
- نص كوب زبده بدرجة حراره الغرفه
- كوب سكر بودره
- ملعقه كبيره زيت
- حبه بيض
- ملعقه صغيره فانيليا
- رشة ملح
للكاسترد:
- كوبين حليب سايل
- ٣-ملاعق كاسترد
- ٣-ملاعق سكر
- ملعقه صغيره فانيليا
- عصير وبشر ليمونه
للتزيين:
- عنب الاطفال
- شريحه ليمون
- سكر بودره
طريقة التحضير
اولاً نجهز الكاسترد
في قدر ع النار نحط الحليب والسكر والكاسترد والفانيليا ونخلط ونخليه ع النار الين يثقل نصفيه عشان نشيل الكتل ونغطيه بنايلون وعلى الثلاجه الين يبرد تماماً وبهذه الاثناء نجهز التارت في زبديه نحط الزبده والسكر ونخلط الين يصير كريمي ونحط البيض والفانيليا والزيت والملح ونخلط واخر شي ننخل الدقيق وتعجن الين تصير عجينه متماسكه ندخلها الثلاجه ١٥ دقيقه ونطلعها ونفردها ونحطها بقالي التارت ونخرمها بالشوكه ونحط ورق زبده فوق العجين ونحط اي ثقل مثل بقوليات او حتى صحن ثاني وندخلها الفرن على درجة حراره ١٨٠ من تحت الين تتحمر الاطراف تقريباً اخذت معي ٢٠ دقيقه ونطلعها ونشيل الثقل ونرجعها الفرن نشغله من فوق الين تتحمر ونطلعها ونتركها تبرد
في هذه الاثناء نطلع الكاسترد من الثلاجه ونحط له عصير وبشر الليمون ونخلط ونحطه ع التارت ونحط فوقه العنب ونرش السكر وشريحة الليمون وندخله الثلاجه لوقت التقديم وبالعااااااااافيه ♥️♥️
ملاحظه : تقدرو تعملوه بقوالب صغيره 😍👍🏼
