كل عام وانتم بالف خير ❤️
بيتيفور العيد الهش بخطوات بسيطة ومكونات متوفرة ونتيجة روعة 👌
المقادير
- كوب زبدة بحرارة الغرفة (٢٢٦غ) بنخفقها منيح حتى يصير لونها فاتح بعدها بنضيف
- كوب الا ربع سكر بودرة منخول
- ٢ صفار بيض البيض بحرارة الغرفة
- معلقة كبيرة فانيلا سائلة لو بودرة معلقة صغيرة
طريقة التحضير
بنخفق كل المقادير جيدا بعدها
بنضيف رشة ملح ومعلقة صغيرة باكينغ باودر على كوبين طحين وبنحركهم منيح وبنحطهم ع مرحلتين عخليط الزبدة حتى نتاكد انهم اختلطوا تماما بصير عنا خليط قوامو ثقيل بنقسم الخليط لقسمين القسم الاول بنتركوا كما هو (خليط الفانيلا) والخليط الثاني بنضيف عليه معلقة كبيرة غير مغمورات كاكاو بودرة (خليط كاكاو) بنشكلهم بالاقماع الفرنسية الكبيرة او الاقماع المتوفرة عندكم بحسب الحجم اللي بتفضلوا وضروري نشكلهم عورق زبدة وندهن الصينية بالزبدة تحت ورق الزبدة حتى يضل ورق الزبدة ثابت اثناء التشكيل وما يغلبكم.
دخلت البيتيفور ع فرن محمى مسبقا عحرارة ١٨٠ الرف اللي تحت الشواية لافران الكهربا ومن تحت بعدها فوق للافران العادية بتوخذ ١٠ دقائق فقط مع المراقبة.
بنتركهم يبردوا بحرارة الغرفة بدون لمسهم بعدها ممكن تحشوهم بالمربى والشوكولاتة المذوبة والف صحة وهنا ع قلبكم @linaarar_kitchen
لا احلل النقل الا بتاغ ومنشن ❌
ملاحظات :
١- اختيار نوع زبدة جيد
٢-البيض والزبدة ضروري بحرارة الغرفة
٣- لا تكثروا الخليط بالكيس الحلواني لانو العجين ثقيلة ما حتتحمل كمية كبيرة ومع الضغط حيتشقق معكم الكيس
