مساء الورد
وصفتنا اليوم بيتزا مارغريتا بالطريقة الاصليه لذيذه لاتفوتكم 😍👌🏼
المقادير
للعجين:
- ٤- اكواب دقيق متعدد الاستخدامات
- ربع كوب زيت زيتون
- كوب ونص ماء
- ملعقه صغيره ملح
- ملعقه صغيره خميره فوريه
لصلصة البيتزا:
- كوبين طماطم معصوره
- فصين ثوم مهروس
- ملعقه كبيره اوريغانو
- ٤ اوراق ريحان مقطع
- ملح حسب الحاجه
للوجه:
- جبن موزاريلا
- وريحان
طريقة التحضير
في العجانه نحط الدقيق والملح والخميره وزيت الزيتون والمويا ونعجن الين تصير عجينه مطاطيه وناعمه ندهن وجه العجين بزيت زيتون ونغطيها ونتركها تتخمر بمكان دافي لمده ساعه الى ساعه ونص واثناء ما العجين تتخمر نجهز صلصة البيتزا
في طاوه ع النار نحط زيت الزيتون والثوم ونقلبها شويه ونضيف الطماطم المعصور والملح والاوريغانو والريحان ونتركها على النار الين تتسبك وتطفي النار ونترك الصلصه على جنب تبرد
وبعد ماتخمر العجين ناخذ جزء منها ونمده بيدنا ونحط صلصة البيتزا والجبن والريحان وعلى الفرن يكون ساخن من قبل نص ساعه على درجة حراره ٢٠٠ من تحت فقط وندخل البيتزا وناخذ معانا تقريباً ١٠ دقايق بالكثير وتستوي ونطلعها ونقدمها وبالعافيه
كمية العجين تسوي ٣ حبات بيتزا متوسطه او ٢ كبيره
اللي مايحب الريحان يقدر يستغنى عنه 🙏🏻♥️
