بنت الصحن 🇾🇪🍯 :
من المخبوزات الشعبيه المشهوره في اليمن وتختلف طريقتها من منطقه لمنطقه وماشاء الله معروفه عند اغلب الدول ، اذا حسيتو الفيديو سريع شوفوها ع اليوتيوب ويلا نبدأ على بركة الله 👏🏻
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
المقادير
- ٣ أكواب دقيق
- نص ملعقه كبيره خميره
- ملعقه سكر
- ملعقتين كبيره حليب بودره ( حسب الرغبه )
- نص ملعقه صغيره ملح
- بيضه وبياض بيضه
- ربع كوب زبده أو سمن نباتي
- كوب مويه
- نص كوب زبده أو سمن مخففه بالزيت
- للوجه : صفار بيض و حبه بركه
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
طريقة التحضير
نخلط المواد الجافه مع بعض ونخلط المواد السايله مع بعض ونصب المواد السايله على المواد الجافه ونعجنها باليد او بالعجانه واذا حسيتوها مره رطبه وتتلصق ضيفو دقيق بالتدريج الين ماتتماسك وماتلصق باليد وتكون بنفس الوقت لينه مو قاسيه بعدين نتركها تتخمر ربع ساعه ونرش الطاوله دقيق ونبدأ نكورها لكور مناسبه لحجم الصينيه واحسن شيء تكون الكور صغيره عشان تطلع الطبقات رفيعه مو سميكه ونقسمها من ١٥ لـ ٢٠ كوره او اكثر ، ندهن الصينيه بالزبده المخلوطه بشوية زيت ولو عندكم سمن كمان خففوها بالزيت عشان ماتطلع مره مُركزه ، نفرد الكوره الاولى الين ماتصير رقيقه ننقلها للصينيه او تفردو الكوره فرد بسيط وتنقلوها بوسط الصينيه وتمطو العجينه لنهاية الصحن زي ماسويت بالفيديو كذا اسهل واسرع واذا تقطعت معاكم وقت المط عادي كملو لانو كل طبقه تغطي عن الثانيه وبين كل طبقه وطبقه لاننسى ندهنها بالزبده المخففه بالزيت ، ونقطه مهمه الدقيق اللي يكون موجود بالعجين لاتمسحوه وقت الفرد لانو هو اللي يفصل بين الطبقه والثانيه وبس نخلص نخليها ترتاح ١٠ دقايق وندهنها بصفار بيض ( ضروري صفار البيض 🍳وماينفع ندهنها بالحليب 🍶❌ لانو الصفار يعطينا طبقه مقرمشه👌🏻 ) ، نكون مولعين الفرن من قبل على درجة حراره ٢٠٠ 🔥 ، ندخلها الفرن لمدة ١٥ دقيق او الين ماتحمر من تحت نطفي عليها ونولع من فوق الين ماتحمر نطلعها ونقطعها ونقدمها مع العسل 🍯 جربوها ويارب تعجبكم 😋💕
