برياني الجمبري في قدر الفخار
طبعا تقدروا تسووه في قدر عادي بس حبيت اغير
الطريقه :
استخدمت كيس جمبري جاهز مفرز الحجم وسط
في قدر على النار احط ملعقه سمن نباتي واحط بصل مقطع صغير واذبله واضيف ثوم وزنجبيل مدقوقين واضيف الجمبري واقلب المكونات ولما تنشف موية الجمبري اضيف خمس اوراق كاري و ملعقه ونص بهارات برياني وملعقه صغيره بهار كاري وكمون وكزبرة ناشفه وكركم وحبتين ماجي وملعقتين صلصه وحبه طماطم مفرومه اترك المكونات تتسبك مع التقليب المستمرثم اضيف كزبرا خضرا وفلفل رومي مقطع ونعناع واضيف كوب مويا عشان تصير زي الايدام
للرز :
كاستين رز عربي مغسول ومنقع احطه في قدر على النار واضيف له اوراق كاري وحبتين فلفل وكل البهارات الصحيحه وملح واضيف له مويا مغليه واتركه يستوي نص سلقه
التطبيق في قدر الفخار او قدر عادي :
ادهن القدر بسمن نباتي واضيف جزء من الرز ثم اضيف جزء من ايدام الجمبري واسوي طبقات من الرز والايدام بس اخر طبقه لازم تكون رز اغطي القدر واحطه على نار هاديه لمدة نص ساعه او ساعه الا ربع لحد مايستوي الرز تماماً ثم اعمل عالوجه منقوع الزعفران وموية ورد وارركه عشر دقايق وازين وجه القدر بكزبرا خضرا وبصل مقلي وكاجو وبالعافيه
#برياني #برياني _جمبري #برياني_هندي #طبخ #طبخات #طبخاتي #وصفة #وصفات #وصفاتي #وصفات_عالمية #تصوير #تصويري
