باخمري ولا مندازي ولا مقصقص

باخمري ولا مندازي ولا مقصقص ؟
اكله مشهوره في حضرموت تحت مسمى باخمري وفي عمان مندازي والبحرين زنجباري ولها عدة اسماء ، سويتها معاكم بالستوري ووعدتكم ارجع اثبتها بالحساب عشان يكون مرجع للكل ، جربوه وادعولي لذيذ وهش وماينشبع منه 👍🏻💯
⠀⠀⠀⠀⠀⠀⠀⠀
⚠️ الكميه تطلع معانا ٢٤ قطعه
⠀⠀⠀⠀
المقادير :
٣ أكواب دقيق
نص كوب سكر
ملعقه كبيره خميره
٦ ملاعق كبيره حليب بودره
ملعقه صغيره بيكنج بودر
ملعقه كبيره حبه بركه
ربع كوب زيت
كوب مويه
⠀⠀⠀⠀
الطريقه :
نخلط كل المكونات مع بعض ونعجنها كويس ونقسمها إلى ٦ كرات متساويه ونغطيها ونخليها تخمر لمدة ساعه الى ساعه ونص على حسب حراره الغرفه بعدين نفرد كوره كوره ونرش عليها دقيق ونخليها سميكه شويه يعني مانفردها مره بعدين نقطعها الى ٤ قطع ونقليها بزيت غزير وحار ونحاول بالملعقه نصب فوقهم زيت عشان ينتفخوا ويتفرغوا من الداخل وبالنسبه للمبتدئات حاولوا ماتحطوا كميه كبيره اكتفوا بـ ٤ قطع عشان تقدروا تسيطروا على الوضع لانها تحمر وتستوي بسرعه