..
–
مساء الخير ♥️♥️..
اليوم منزله لكم الوصفه من بدري عشان تلحقو تعملوها ع الفطور .. باخمري حضرمي 🤤🙄♥️♥️
طريقتها جدا سهله بس يبغالها دقه في المقادير و القلي عشان تطلع مزبوطه ..
المقادير
- 3 أكواب دقيق
- 6 ملاعق طعام حليب بودره
- ملعقه طعام خميره
- ملعقه صغيره بيكنج باودر
- حبوب هيل و حبه البركه “حبه سوداء”
- نص كوب سكر
- ربع كوب زيت نباتي
- نص كوب ماء و ممكن تزيدو الين تصير عجينه طريه و متماسكة .. ….
طريقة التحضير
-نخلط اول شي المكونات الجافه و نضيف عليها السوائل ..
– بعد ما نعجن نكور العجين ل 6 كور متوسطه الحجم قد كف اليد تقريباً و نغطيها عشان تتخمر و ترتاح لمده ساعه تقريبا .. -بعد ما تتخمر ناخذ كل كوره و نفردها “ماتفردونها مرره كثير بس شي بسيط ” و نقطعها مثلثات زي ما سويت بالضبط ..
*نجي للقلي : اول شي لازم الزيت يكون حاار بعد ما يصير حار نرمي العجين و نخفض النار عشان ما ينحرق ، وهيا ع النار نرش عليها الزيت بالملعقه عشان تتنفخ اول ما تنتفخ اقلبوها على طول عشان يصير شكلها حلو زي ما سويت بالزبط ترى دي الخطوه مهمه لما يصير لونها بني فاتح تتصفى و تتقدم وبسس 💁🏽❤️
وإذا حابين كميه اكبر ممكن تضاعفو المقادير .. والي تطبقها تعملي تاق عشان اشوف✌🏻
منشنو الحضارم و الي ودكم انهم يسوونها لكم ♥️♥️♥️
