مساكم الله بالخير يالمتابعين :
رحلتنا القصيره أمس شمال الكويت :
كشتة جميله وطبخ
يمكنكم مشاهدة الرحله كامله على لستوري وفي الهاي لايت الدوائر :
وطبختنا اموش على لحم وفقع وحشو فقع :
:
@osama_alqassar4
:
التجهيز
١-عشر كاسات رز مغسول ومنقوع
٢-اربع كاسات ماش أخضر منقوع
٣- بصل مفروم للحماس
٤- بهارات عدله دارسين مسمار هيل وكركم وفلفل اسود
٥- فقع خلاسي كيلوين مغسول
٦- لحم غنم طازج ٧ كيلو
٧-سمن اي نوع تحبونه
الطريقه
:
نحمس البصل والسمن ونضيف البهارات
ونحمسهم ونضيف اللحم ونحمسه معاهم شويه ثم نضيف كيلو فقع مغشور ومغسول نصيفه على اللحم ونحمسه ونضيف الماء ونسكر الجدر ٤٠ دقيقه ثم بعد مايستوي اللحم نضيف الماش وبعدين الرز المنقوع ونحركه شوي ونسكر الجدر ١٥ دقيقه وفي مقلاة نحمس بصل وسمن وكيلو فقع مغشور ومقطع ومفيوح عشر دقايق مع فلفل اسود وملح
وبعدما تجهز الطبخه نقدمها حاره بالصحون ونزينها بالحشو الفقع مع الدقوس الكويتي وتكون الطبخه لينه هميچ علشان تدفي بالشتاء
وعلينا وعليكم بالعافيه 🌹
:
اذا عجبكم المقطع لاتنسوني باللايكات والكومنتات الجميله :
الفديو حلالكم مع المنشن للحساب
