المنتي الأرمني وصفة من المطبخ الأرمني اللذيذ
الوصفه انا حطيت فيها اضافاتي والنكهات اللي احبها
هي عبارة عن طبقة صلصة وعليها لبن زبادي وارص على الوجه حبات العجين تعالو شوفو طريقتي اللذيذه
للعجينه :
٤ اكواب دقيق +ملعقه صغيره خميره +نص م/ص ملح +ملعقتين كبيره سكر +ملعقتين كبيره حليب نيدو +مويا للعجن
اعجنها جيداً واتركها ترتاح نص ساعه
لحشوة اللحم :
احتاج ربع كيلو لحم احط عليه ملعقه سمنه واحط عليه التتبيله ( في الفرامة حبه بصل حبه طماطم حبه فلفل رومي ربع كوب دبس رمان ملح م/ص فلفل اسود م/ص بهار حلو او مشكل واطحنهم احط التتبيله في صفايه واخذ المويا اللي خرجت واحطها على جنب واضيف التتبيله عاللحم واخلط )
افرد العجينه واقطعها مربعات واحط الحشوه بالنص واقفل الجوانب
ارصها بالصينيه واحطها في فرن حار حرارته ١٥٠ واحمرها من تحت وبعدين اشغل الفرن من فوق لما تخرج من الفرن افقل الصينيه بقصدير
عشان ماتنشف
للزبادي ثلاث حبات زبادي +فصين ثوم +نص م/ص ملح واخلط جيداً
للصلصه في قدر شوي زيت زيتون احط ملعقه كبيره صلصه وفلفل اسود واكشن شوي واضيف حبه طماطم معصوره مع حبه ثوم وبابريكا واتركهم يتسبكو عالناراضيف المويا اللي صفيتها من الخضار حق حشوة اللحم واتركهم لحد ما يتسبك الايدام واملح الصلصه
للصنوبر :
في طاوه عالنار نص قالب زبده و ربع كوب صنوبر واقلب لحد مايصير ذهبي اضيف فص ثوم كبير مدقوق وملعقتين بقدونس مقطع واقلب شوي واحط اقل من ربع كوب دبس الرمان واشيله من النار .
للتقديم :
احط الصلصه وبعدين بملعقه احط الزبادي وبعدين ارص حبات العجين وبعدين اوزع على الوجه خلطة الصنوبر اللذيذه وبالعافيه .
المكونات كلها لازم تكون حاره وقت التقديم
#منتي #منتي_ارمني #وصفتي #وصفاتي #تصويري #مطبخي #ابداعي #ابداع #وصفة
