طريقتي بالمربين .
موش روبيان لكن هل مره الروبيان مثلج
بس الفرش افضل انا لان مو متوفر عندي الفرش.
الماش غسلته ونقعته بماي حار
يصير تسلقونه شوي .انا ما سلقته .
اول شي حشو المربين
شوحت البصل لين اخذ اللون اللي ابيه تالي
حطيت الثوم وحمست تالي الروبيان بعد ما غسلته .
وحمستهم البهار لومي اسود ناعم نقطة كركم دارسين ملح كزبرا شبينت .
اخر شي الزيت . شوفو لونه شلون هذا اللون الصح للحشو .تحبون اضافة اي بهار عادي ضيفو .
تالي الرز اخذت شوي من الحشو وحمسته مع بصله تالي حطيت الرز والماش مع بعض وعالحمسة تالي الماي والملح .
ولين يتبخر الماي حطيت الحشو على جنب .
وهذا الشكل النهائي مع الدقوس والمعبوج .
تبون دقوس صبار سوو عادي .
سهلة جدا جربوها ولذيذة .
واخر دلع مدلعتكم 😊
ولا تنسوني من لايكاتكم وتواصلكم الجميل .
واشرايكم بهالشي الجميل . طبقو وصورولي .
ملاحظة يصير تسونها بدون ماش فقط رز وتطلع روعة ولذيذة .
وبالنسبة للروبيان الفرش افضل من المثلج بس انا ما حصلت فرش فاستخدمت المثلج .
