قبل كل شي اتمنى اكون قدرت اطبقها بصراحة أحلى قيمة اعجبتني .
وسويتها بنوعين نوع حمص مجروش ونوع الحمص العادي وشكرا على افادتكم لي بطريقتها ❤️❤️❤️
اسم على مسمى قيمة واهي فعلا قيمة جدا من مكونين لحم وحمص كلها فيتامينات وحديد . وتصلح للي عندهم اطفال تقويهم .
الفيديو واضح حمست اللحم استخدمت نوعين عجل وغنم هبر ومع عظم حمست بصله حطيت اللحم حمست الماي .
حمص عادي ومجروش منقوعين من الليل .
سلقتهم.
بعد ما استوى كل شي بالخشب او الهاون حسب الموجود وطقطقتهم يعني نضربها مثل الهريس. بس انا ما نعمتها وايد تكون مجروشه الذ.
حمست المعجون مع البهار كمون فلفل اسود دارسين لومي ناعم بهار الكباية يعتبر بهار حلو .
وحمستهم حطيت الخلطه وضفت ماي سلق اللحم اذا احتاج وملح .
ومع عيش مشخول بالزعفران.
روووعة جدا وايد اعجبتني وحبيتها.
ضروري اطبقونها تستحق.
كل الحب والتقدير لكم متابعيني من العراق ومن جميع الدول ❤️❤️❤️
#القيمة_العراقية_نادية_كوك
#القيمة_العراقية_نادية_كوك
